Produto
Dispoñibilidade
En Zara.com poderás encontrar novidades cada semana, igual que nas nosas tendas.
Se o artigo que che interesa está esgotado pero ten o símbolo 
, podes rexistrar o teu email e avisarémoste sempre que volva estar dispoñible nos 15 días posteriores ao teu rexistro. Este proceso non equivale a unha reserva.
Ademais, a través de Zara.com poderás acceder ao stock das nosas tendas grazas á opción “Ver dispoñibilidade en tenda”.
Ponte en contacto connosco
Prevenda
A través da opción de PREVENDA, dámosche a oportunidade de asegurarche a dispoñibilidade de artigos cun número limitado de unidades.
Ao tratarse dunha compra anticipada, o pagamento lévase a cabo no momento da compra. Ten en conta que estes artigos teñen prazos de envío especiais.
Se no teu pedido combinas artigos de prevenda con outros que non o son, só os de prevenda se verán afectados por un prazo de entrega distinto ao convencional.
Ten en conta que o prazo de devolución das compras que conteñan artigos de prevenda será de 30 días dende a data de envío da última parte do teu pedido.
Talles
Para axudarte na elección do teu talle, poñemos á túa disposición a opción “Cal é o meu talle?”, un recomendador que che suxerirá o talle máis adecuado en función dos datos que nos indiques. Se esta opción non está dispoñible para o artigo no que estás interesado, sempre poderás consultar a nosa guía de talles.
Artigos personalizados
Algúns dos nosos artigos permiten bordar textos personalizados. Para identificalos doadamente, no nome do artigo aparecerá a palabra “EDITED”.
Poderás elixir o texto, o estilo de letra, a parte da peza na que realizar o bordado e a cor do fío.
Se a palabra que nos indicas non estivese dispoñible, indicarémoscho durante o proceso de compra da peza ou mesmo unha vez que teñas finalizado o pedido. Neste último caso, informarémoste da cancelación do pedido.
Unha vez teñas completado o teu pedido, o texto non se poderá modificar.
Por tratarse de pezas personalizadas, non será posible realizar cambios ou devolucións destes artigos.
Artigos retirados
En Zara preocupámonos por garantir a máxima calidade dos nosos artigos e comprometémonos a facer visibles aqueles que por algún motivo tivesen que ser retirados da venda.
Nestes momentos non hai ningunha retirada de artigos en curso. Para saber máis información sobre retiradas anteriores, contacta co noso departamento de Atención ao Cliente.