Opari-txartela

Opari-txartela erostea

Bi modalitate ditugu: E-Txartela (e-mailaz bidaltzen den txartel birtuala) eta Opari Txartela (garraiolariaren bidez bidaltzen den txartel fisikoa). Biak erabil daitezke bai denda fisikoan, bai Zara.com webgunean.

Informazio baliagarria Opari Txartelari buruz:

  • Erosketa egin duzun herrialde/eskualdean bakarrik erabilgarri da.
  • Eramaile-agiri bat da. Txartela lapurtu, galdu, desbideratu edo hondatuz gero, Zara-k ez dizu beste bat emango.
  • Baliotasun-epe bat du herrialde/eskualdearen arabera. Zure Txartela hautatzean ikusi ahal izango duzu informazio hau.
  • Zure Txarteleko saldoa kontsultatu dezakezu Zara-ren webgunean, "Opari Txartela > Kontsultatu Saldoa" atalean, edo zuzenean gure Zara dendetako batean.
  • Itzultzeko epea beste edozein salgairena da, Txartela erabili ez bada. Erosteko erabili den ordainketa-metodo berarekin itzuliko da dirua. Itzulketa Zara.com webgunearen bidez egiten bada, ez da Txartela fisikoki bidali behar izango.

Opari-txartelarekin ordaintzea

Zure txartela erabili baino lehen, garrantzitsua da hau jakitea:

  • Denda batean erositako Opari Txartel fisikoa eta mezu elektronikoz bidalitako E-Txartela aktibatuta datoz.
  • On line erositako Opari Txartel fisikoa aktibatu egin beharko da erabili baino lehenago. Ordaintzerakoan aktibatu ahal izango duzu, bai denda fisikoan bai webgunean, edo aurrez ere aktibatzeko aukera duzu "Opari Txartela > Aktibatu Txartela" atalean. Bi kasuetan, hartzailearen telefono mugikorreko azken lau digituak eskatuko dizkizugu, erosketa-prozesuan erosleak emandakoak.
  • Zure Opari Txartel elektronikoa denda batean erabili nahi izanez gero, inprimatu edo zure gailu mugikorrean erakutsi dezakezu.
  • Zure erosketaren zenbatekoa Opari Txartelan duzun saldoa baino handiagoa bada, zure herrialde/eskualdean erabil daitekeen beste ordainketa-metodo batekin konbinatu ahal izango duzu.

Itzulketak opari-txartelarekin

Opari Txartelaz ordaindutako erosketen itzulketen zenbatekoa Opari Txartelean bertan itzuliko da. Online erosketa bada, txartel horren kopia birtuala jasoko duzu, saldo eguneratuarekin, itzulketaren berrespen-mezu elektronikoarekin batera.

Opari Txartela ez baduzu itzulketaren momentuan, dirua Abonu Txartel bidez itzuliko da.

Erosketa egiterakoan ordainketa-metodo bat baino gehiago erabili baduzu eta zure eskaeraren itzulketa partziala egiten baduzu, Opari Txartela ez den beste ordainketa-metodoak izango du lehentasuna dirua itzultzeko.