Dendak eta enpresa

Laguntza
Aldaketak eta itzulketak

Aldaketak eta itzulketak

Aldaketak eta itzulketak egiteko 30 eguneko epea dago, erosketa egiten den egunetik kontatzen hasita.

Gure dendetan egindako erosketa aldatu edo itzultzeko, ezinbestekoa da erosketa-tiketa paperean aurkeztea. Zara-ko aplikaziotik ere erakuts dezakezu.

Gure dendaren bateko IPOD bidez erosi baduzu, kontsultatu itzulketari buruzko informazioa atal honetan: IPOD.

Erosteko erabili zen ordainketa-metodo berarekin abonatuko da dirua. Gogoratu aldaketak eta itzulketak salgaiak erosi ziren herrialde/eskualde berean soilik egin ahal izango direla.

Baldintza bereziak hainbat salgai aldatu eta itzultzeko:

  • Bainurako jantziak: higiene-eranskailua izan behar du.
  • Barruko arropa:
    • Emakumeak: erosketa-baldintza berberetan badaude eta bidalitako poltsa edo eranskailu babesgarria badute baino ezingo dira aldatu edo itzuli.
    • Gizonak: barruko arropa ezin da aldatu edo itzuli.
    • Haurrak: barruko arropa ezin da aldatu edo itzuli; bai, ordea, jatorrizko bilgarrian dauden galtzetinak, leotardoak, top-ak, bodyak eta barruko kamisetak.
  • Pijamak: aldatu edo itzuli ahal izango dira baldin eta erosketa-baldintza berberetan badaude. Poltsa duten salgaiak harekin itzuli beharko dira.
  • Osagarriak: jatorrizko poltsa edo kartoi osoarekin itzuli beharko dira.
  • Lurrinak eta kandelak: jatorrizko paketatze berean itzuli beharko dira, zigilua hautsi gabe.
  • Kosmetikoak: bilgarri berean eta jatorrizko baldintzetan itzuli beharko dira.
  • Salgai pertsonalizagarriak: Jantzi pertsonalizatuak direnez, ezin izango dira aldatu edo itzuli, eta ezin izango dira kolore pertsonalizatua duten salgaien erosketak bertan behera utzi.
  • Babyshower opari-paketeak eta –kaxak: pakete bateko salgaiak ezingo dira bereizita itzuli.
  • Paper-gauzak: jatorrizko poltsa edo kartoi osoarekin itzuli beharko dira.