PROGRAMI YNË I DHURIMIT TË RROBAVE TË PËRDORURA
Kemi një program mbledhjeje të rrobave të përdorura që u lejon klientëve tanë të dorëzojnë produktet që nuk i përdorin më. Qëllimi i programit është të favorizojmë përdorimin e veshjeve të mbledhura, duke i dhënë përparësi ripërdorimit të tyre dhe, kur kjo nuk është e mundur, riciklimit të tyre.
Mund të dorëzohen veshje, këpucë dhe aksesorë të çdo marke dhe në çfarëdo gjendje. Produktet ua dërgojmë organizatave lokale, të cilat i klasifikojnë sipas gjendjes dhe cilësisë së tyre.
Organizatat i menaxhojnë veshjet e grumbulluara duke u dhënë përparësi mundësive që zgjasin jetëgjatësinë e tyre, për shembull, duke ua dhuruar personave në gjendje të vështirë ose duke i rishitur për të financuar projekte sociale. Kur ripërdorimi i tyre të mos jetë i mundur, organizatat do t’i drejtojnë ato drejt mënyrave të tjera të përshtatshme të menaxhimit.
Si mund ta bësh dhurimin tënd?
Kemi kontejnerë për mbledhjen e rrobave në dyqanet tona ku mund të depozitosh pakon me veshjet që dëshiron të dhurosh. Mund t’i kontrollosh dyqanet që e kanë këtë shërbim në Gjetësin tonë të dyqaneve. Mos harro që dhurimi duhet të jetë në një pako të mbyllur mirë.
Për më shumë informacion, vizito seksionin tonë Dhurimi i rrobave.