ZARA

NA TENDA

• - Aforramos enerxía.
• - A tenda ecoeficiente.
• - Reducimos a produción de residuos e reciclamos.
• - Compartimos o compromiso con todo o persoal.
• - Un equipo sensibilizado.

Aforramos enerxía. A tenda ecoeficiente.
Estamos a desenvolver un modelo de xestión ecoeficiente das tendas que permitirá reducir o consumo enerxético nun 20%, integrando criterios de sostibilidade e eficiencia. Este modelo de xestión propón medidas en todos os procesos, dende o deseño da propia tenda, as instalacións de sistemas de iluminación, calefacción ou refrixeración, á posible reciclaxe do mobiliario e decoración.

Reducimos a produción de residuos e reciclamos. A reciclaxe das perchas ou das alarmas, que son recollidas nas tendas e procesadas para converterse noutros elementos plásticos, son un exemplo da xestión de residuos. Millóns de perchas e alarmas son procesadas cada ano. Ademais, tanto o cartón como o plástico utilizados nas embalaxes son reciclados.

Compartimos o compromiso con todo o persoal. Un equipo sensibilizado.
Campañas de comunicación interna e plans específicos de formación multimedia para sensibilizar os empregados nas prácticas sostibles como racionalizar o consumo de enerxía, practicar o transporte sostible ou modificar hábitos de conduta.

CO PRODUTO

• - Incorporamos tecidos ecolóxicos.
• - O algodón orgánico.

Incorporamos tecidos ecolóxicos. O algodón orgánico.
Zara apoia a agricultura ecolóxica e utiliza na confección de pezas de roupa seleccionadas algodón orgánico (algodón 100%, totalmente libres de praguicidas, axentes químicos e branqueantes). Encontralas na tenda será doado, xa que levan unha etiqueta distintiva.

NO TRANSPORTE

Introducimos combustible biodiésel.
A frota de camións de Zara, que transporta cada ano máis de 200 millóns de pezas de roupa, utiliza o 5% de combustible biodiésel. Esta medida permite reducir as emisións de máis de 500 toneladas de CO2 á atmosfera.